GoGo Blog

Шинэ бичлэг

http://zaluueej.blog.gogo.mn — Mon, 9 Apr 2012 14:02:21 ULAT

Миний блогыг уншиж буй бүх хүмүүст... Томоос том Сайн байцгаана уу.

Юуны түрүүн Хонгороо гэж нэрээр сэтгэгдэл үлдээсэн байсан охины сээгийнүүдийг уншаад бичлэг оруулмаар санагдлаа. Би энэ талаар сайн мэдлэггүй ч Монголд үр шилжүүлэн суулгах талаар судалгаа эрчимтэй хийгдэж хөгжиж байгаа гэж дуулдсан. Эхлээд яагаад хүүхэдтэй болохгүй байгаа шалтгаанаа нарийн шинжилгээ өгч тодруулах хэрэгтэй болов уу. Нөхөрт чинь байна уу, өөрт чинь байна уу гэдгийг.... Баянгол эмнэлэгт энэ чиглэлээр судалгаа хийгддэг. Бас Амин Маргад гэж эмнэлэг байдаг. Эмчийн зөвөлгөөний дагуу тууштай эмчилгээ хийлгээд хөөрхөн хүүхэдтэй болоод сайхан амьдарч буй хосууд, гэр бүлүүд зөндөө байна шүү дээ. Сэтгэлээр унаж шантрах хэрэггүй дээ бүсгүй минь. Шинжлэх ухаан хөгжөөд болохгүй юм гэж бараг үгүй болсон цаг шүү дээ. Солонгос бас энэ чиглэлээр сайн гэж сонссон. Би ядаж анагаах ухааны чиглэлийнх биш болохоор иймэрхүү л зөвөлгөө өгч чадах байна даа. Харин надаас илүү Монгол ээж энэ талаар илүү сайн мэдэж байгаа болов уу гэж бодоод линк орууллаа. Эхнээс нь сайн уншаарай.

http://beleg.blog.gogo.mn/index.html

Монгол ээжээ.... болно биздээ. Хонгороод туслаарай.

Эцэст нь хэлэхэд Хонгороо, өөрийнхөө төлөө өөрөө л явахгүй бол хэн ч чамайг хайрлахгүй шүү дээ. Нөхөр чинь гар хүрээд зулбасан гэж бичсэн байсан. Үнэн бол нөхрийн чинь өмнөөс маш их харамсаж байна. Нөхөртэйгээ сэтгэлээ онгойтол сайн ярилцаад үз. Хүүхэдтэй болоход бэлэн байна уу. Юу нь болохгүй байна. Өөрөө өөрийгөө юм болгонд буруутгах шаардлагагүй гэж бодож байна.

Гэр бүл болно гэдэг чинь эхнэр нөхөр 2 бие биенээ хүндэлдэг, хоюулаа амьдралын төлөө 2 талаасаа зүтгэж байж сайхан амьдралыг босгож чадна .

Чи хөөрхөн хүүхэдтэй болж чаднаа. Чамд чин сэтгэлээсээ аз жаргал хүсье.

Залуу ээжээс...

Ээж охин 2-ын харилцан яриа

http://zaluueej.blog.gogo.mn — Mon, 12 Mar 2012 11:58:44 ULAT

ээж: Миний охин чинь ямар жилтэй билээ...

охин: бая (бар гэж байгаам)

ээж: Миний охин чинь юу өмсдөг билээ...

охин: Бандааж

ээж: Миний охины гэдсэн дотор хэн байгаан

охин: Доёжоо (Доржоо)

Ээж: Доржоонь юунд дуртай билээ...

охин: банш

Ээж: Миний охин анлиар яриарай...

Охин: хайпи (happy гэж байгаан )

Ээж: Миний охин хэдэн настай билээ....

охин: найм ха ха ха

Түр баяртай

http://zaluueej.blog.gogo.mn — Mon, 5 Mar 2012 16:51:06 ULAT

Учир нь залуу ээжийн гэр бүл хэсэг хугацаанд алс холын оронд амьдрахаар явах гэж байна. Залуу ээжийн олон жилийн мөрөөдөл биелж хүссэн сургуульдаа хүссэн мэргэжлээрээ сурах боломж гараад байна. Тиймээс ээж нараа, түр баяртай. Шинэ газар очоод блогоо үргэлжлүүлж амжих эсэхээ мэдэхгүй л байна. Энэ блогоор дамжуулж олон сайхан ээж нартай танилцсан, мэдэхгүй зүйлсээ мэдэж авсан, ганцаардсан цагт хань болсон....Тиймээс хэзээ нэгэн цагт блогоороо дамжуулан жими ээж нар болон бяцхан үрсдээ зориулсан ямар нэг хэрэгтэй зүйл хийнэ гэсэн асар том төлөвлөгөө байгаа. Санаж явбал бүтнэ байхаа.

Эцэст нь хэлэхэд хүүхэд гэдэг айл гэрт аз жаргал, баяр баяслыг авчирдаг шидтэн.

Тэд чинь зүгээр ч нэг ирдэггүй Бурхны бэлэг байдаг юмаа....

Teletubbies

http://zaluueej.blog.gogo.mn — Mon, 5 Mar 2012 16:16:18 ULAT

Нээх айхтар үйл явдал гараад байхгүй, нэгнийгээ дагаад бүжиглээ л гүйгээ л.... хөөрхөн кино. Сүүлийн үед охины минь үзэх дуртай кино болоод байгаа. Хамгийн жижиг улаан маамаа нь НАЙЗ нь юм гэсэн кккк

ээээээжэээ ........хайтай ...........

http://zaluueej.blog.gogo.mn — Tue, 31 Jan 2012 16:49:20 ULAT

За тэхээр Үлгэрт гардаг Үзэсгэлэн гоо Үнсгэлжин охины минь дуртай нэг дууг оруулчий.

Ээээээжэээ ........хайтай ............ гэээл дагаад дуулж өгнө шүү дээ.

Мөөмнөөс гарсан

http://zaluueej.blog.gogo.mn — Tue, 31 Jan 2012 16:41:30 ULAT

Залуу ээж залхуу ээж болжээ...Зарим ээжүүдийн сээгийнд ерөөсөө хариу бичиж амжаагүй байгаа уучлаарай.... ээжүүдээ.

Сая Монгол ээжийн хүү нь горшоокондоо багтахгүй байна гэдгийг уншаад бумбайсан хүүг нь төсөөлөөд бүүр инээд хүрчлээ хөөрхөн юм.

Ойрын үеийн сонин гэвэл охин маань хөхнөөсөө бүрмөсөн гарчихсан. Гаргасан биш өөрөө мөөм хаялт зарлаад гарчихсан. Зарим хүүхдүүд зөнөг болтлоо хөхөөд ээж нар нь мөөмнөөс гаргах гэж бүхэл бүтэн таагчик боловсруулж бөөн юм болдог юм шиг байхийн. Манай охин 1 ой хүрээл мөөм хөхөх нь багасаад сүүлдээ мөөмөө үнсчээл нэг хацраа нааснаа “Заа” гээл яваад өгдөг болсон. Одоо бол мөөм хөхөх үү гэхээр гараараа түлхээд бамбаруушинд өг гэдэг болсон. Эсүүл чимхэж нясалж тоглоно. Урьд нь бол мөөмөө хөхөөл хөлс нь бурзайгаа л нээх хөөрхөн байдаг байсан болохоор тэр үе нь санаанд ороод жоохон гунигтай л юм. Гэхдээ яахав эрүүл саруул эсэн мэнд өсөн том болж байгаагаас хойш. Харин соосогны донтон болсоон. Соосогноос гаргана гэдэг л хэцүү бололтой. Эмээ нь хавар хүртэл яахав хөхүүлж байгаад хавраас дулаараад ирэхээр гадаа тоглож бариад сатаараад аажмаар гаргачихна л гсн мэдэхгүй. Яахав юм болгон сайн муу талтай байдаг шиг соосог ч гсн сайн муу зүйл байгаа л байх. Соосогноос гаргах найдвартай арга мэдэж байвал зааж өгөөрэй ээжүүдээ. Соосгыг нь хайчлаад хаячдаг арга байдаг гсн хэ хэ. Тэгүүл манай охин уурлаад бөөн юм болох байхдаа. Аягүй бол скочдож өг гээд скооч бариад ирж ч магадгүй. Хананы обой урчаад скооч бариад ирдэг хүн дээ.

Нээрээ ээжүүдээ шарын вакцин хийлгэсэн үү. Энэ жилээс ой 2 сартайд нь албан ёсоор хийдэг болсон хийлгээрэй гэж байсан. Охины нус жоохон гоожоод байгаа, гайгүй болохоор нь хийлгэдэг юм билүү гэж бодож байна.

1 насны төрсөн өдөр

http://zaluueej.blog.gogo.mn — Tue, 10 Jan 2012 16:06:22 ULAT

Уг нь шинэ жилийн зураг оруулья гэж бодсон чинь олигтой зураг аваагүй юм байнаа. Өнгөрсөн ч гэсэн 1 насных нь төрсөн өдрийн зургийг оруулчий дөө. Насан баярын боов мэдээж хамгийн үзэх дуртай Шон дэ шийп байлаа гэж.

Хүүхдийн өтгөн хатахад

http://zaluueej.blog.gogo.mn — Wed, 4 Jan 2012 15:17:54 ULAT

Бор хоолонд орсон хүүхдийн өтгөн хатахад, бас жирмээхэй нар, ер нь өтгөн хатдаг хүмүүст зөвлөхөд ямар нэг эм тан уухаасаа өмнө хивэгтэй боовыг хэрэглээд үзээрэй. Эм байнга ууж гаргах нь дасал болох гээд байдаг болохоор хүнсний хивэг хоол цайндаа бага зэрэг хийгээд хэрэглээд сурчихад гэдэсний гүрвэлзэх хөдөлгөөн сайжирч өтгөн хаталтаас холуур байх болно.

Охин маань бор хоолонд орсноос хойш гэдэс нь эвгүйрхэж чацга алдах гэдэг юмыг мартаад санаа амар байсан чинь сүү уудаг болохоор баас нь хатах асуудал гараад ирэх юмаа. Ер нь элдэв эм тан гэлгүй баас нь шингэрээд ирэнгүүт будааны шүүс өгөөд, өтгөн хатах маягтай болонгуут нь хивэг идүүлээд байхад асуудалгүй.

Хүүхдийн ном

http://zaluueej.blog.gogo.mn — Tue, 3 Jan 2012 23:11:52 ULAT

Зурагтай номонд нугасгүй нэг охин байнаа. Өглөө босоод л номоо үзээд суучихна. "Миний анхны ......" номнуудаа бүгдийг нь мэддэг болсон. Одоо 30аад номтой болжээ. Гэхдээ бараг ихэнх нь амьтны зурагтай номнууд. Амьтан дотроос нохойнд бүүр нугасгүй. Том болоод нохой тэжээнэ, нохой авч өг гэж нэхэх вий гэж айжийна. Би ёстой нохой мууранд дургүй. Харин загас бол байж болохийн. Бас тоть юмуу дэгдээхэй байж болно. Хөөрхөн шд тэ.

Ээжүүдээ, 9+ сартайгаас эхэлдэг "Миний анхны ......" цуврал номнууд байдаг шдээ. Үрсдээ заавал авч өгөөрэй. Зурагтай ном үздэг, үздэггүй хүүхдүүд хоорондоо ой тогтоолт нтр нь хүртэл шал ондоо байдгийн байна лээ шүү.

Номны хуудас арай эргүүлж сураагүй байгаа бол ийм даавуунан номнууд бас зүгээр.

Манцуйтай тамирчинд оролцоход

http://zaluueej.blog.gogo.mn — Wed, 9 Nov 2011 14:20:19 ULAT

Ээжүүдийн комментэд хариу өгье, бичлэг оруулья гээл их бодхийн амжихгүй юмаа, Ядаж байхад жолоонд бүртгүүлчихсэн чинь юу юугүй шалгалт нь эхлэх гээд сандаргажийна.

Манцуйтай тамирчинд оролцсон тухайгаа дэлгэрэнгүй оруулж өгөөч гэж Дөлгөөн ээжийн хүссэний дагуу орууллаа. Намайг бичих гэсээр байтал та 2 минь орчихсон уу яасан....хэ хэ. Монгол ээж асуусан байсан. Бид 2-н оролцсон дугаар сая 5-нд гараад өнгөрчихсөөн. Үзсэн бол..3-т ордог ягаан үсний боолттой унтаагаараа медаль авдаг охин чинь бид 2шдээ хэхэ... Завгүй ээж гуай өөрөө үзэж амжаагүй ээ. Тэхдээ маргааш очиж бичлэгийг нь аваад тухтай үзнээ.

Энэ нэвтрүүлэгт ороход 9-11 сартай, хөлд ороогүй хүүхдийг бүртгэдэг юм билээ. Хүүхдийнхээ төрсний гэрчилгээ, 20 мянган төгрөгтэй очоод 4-р хорооллын Нар их дэлгүүрийн 3 давхарт очиж бүртгүүлнэ. Бүртгүүлэхэд угаасаа тэдний өдөр ир бичлэгэнд орно гээд хэлээд өгдийн байна лээ. Бас нэг цаас өгнө. Яагаав нөгөө нэвтрүүлэг дундуур уншаад байдаг хобби, өхөөрдөн дууддаг нэр нтр гээл... Тэрийг нь бөглөөд бичлэгэнд орох өдрөө марталгүй авч очоорой. Тэмцээн нь Нар их дэлгүүрийнхээ 4 давхарт. Нэг ээлжинд 22 хүүхэд ордог гэлүү дээ.Бид 2-г ордог өдөр бүр 26 байсан. Бичлэг яг 4 цаг үргэлжилдийн байна лээ. Хүүхдийн яг унтах, хоолоо идэх цаг нь таараад арай хийж л дуусгасан. Тийм болохоор сайн хооллож ундлаад, унтуулаад шингэн юм, хоол унд, живх салфеткыг нь сайн бэлдэж очоорой. Тэмцээний үеэр унтачихвал шууд баян ходоод шүү дээ.

Эхлээд хос хосоор нь суулгаад зургийг нь авна. Миний охин нэг сумо шиг бүдүүн бандитай зургаа авахуулсан ккк.

Дараа нь азын бөмбөлөг сугалах хэсэг. Хүүхдүүдээ 2 хэсэгт хувааж байгаад бөмбөгөө тойруулаад суулгачихна. Миний бодлоор бичлэгээ эхлэхээсээ өмнө бөмбөгөө бүтээгээд харуулахгүй байж байгаад эхлэнгүүт нь хүүхдүүдээ суулгадаг байвал зүгээр юмуу гэж бодогдсон. Тэхгүй бол манай охин бөмбөгөнд дуртайг хэлэх үү, болооогүй байхад нь бөмбөгнүүд рүү нь авна гэж зүтгээд, яг эхэллээ гэсэн чинь зөрүүдлээд бөмбөг рүү очихгүй байсан хэхэ.

Дараа нь бүжгийн тэмцээн. Гэртээ бөгсөө хөдөлгөөд алж өгдөг охин чинь яг тэмцээн дээр олигтой бүжиглэж өгөөгүй ээ. Тэхдээ л шилдэг 7 бүжигчинд орсон хэхэ.

Дараа нь мөлхөө уралдаан..Мөлхөхөд тохиромжтой нимгэн пудволк, тирко ч юмуу нимгэн өмд өмсгөвөл зүгээр. Палааж нтртэй мөлхөнө гэж байхгүй шдээ. Угаасаа тэр заалшуу газар нь олон хүн пиг болчихоор аймаар халуун юм билээ .

Хамгийн сүүлд авто ралли. Хөлд оруулагчтайгаа уралдана. Дассан сурсан өөрийх нь хөлд оруулагчийг аваад очуул зүгээр юм билээ.За байхгүй бол өөр хүүхдийнхийг гуйгаад хэрэглэцэн ч болно дөө. Хамгийн сүүлд бичлэгэнд муу орсон хүүхдүүдийг дахиж явуулна, аваргаа шалгаруулж элдэв өргөмжлөлөө авна гэд их уднаа. Хүүхдийнхээ тэмцээний бичлэгийн DVD-г авья гэвэл тэмцээний дараа 5 мянган төгрөг нэмж төлнө. Яг зурагтаар гарсан 30 минутын мантажтай, мантажгүй 2 цагийн бичлэг байдаг гэсэн. Бас нэвтрүүлгийн дундуур авсан хүүхдийнхээ зургуудыг нэг нь 1000-р авах болохоор мөнгөтэй очоорой. Бас орохдоо хүний тоогоор 500 төг ч төлж байх шиг...10 гаруй мянган төгрөг байхад болох байх.

Хамгийн сүүлд нь бэлэг өргөмжлөлөө аваад ТВ-р гарах өдөр, тэдний өдөр ирж DVD-гээ аваарай гэж хэлнэ. Бүжгийн тэмцээн зэрэг эхний хэсэгт хувцасыг нь солиод байвал хөөрхөн шүү. Тэр газар нь хүүхдийн хувцас солих, хооллох ундлах өрөө тасалгаа байхгүй ээ тун зохион байгуулалт муутай. Олигтой суух ч газар байхгүй болохоор сэтгэл санааны бэлтгэлтэй очоорой ээжүүдээ...

Нээрээ Манцутай тамирчин нэвтрүүлэг түр завсарлах гэж байгаа гэсэн.Нэвтрүүлэг хийдэг хүүхэн нь өөрөө аймаар том гэдэстэй байсийн. Тийм болохоор нэг хэсэгтээ гарахгүй байх. Амжиж оролцох ээжүүд байвал бүртгүүлнэ биз..Утсыг нь тавьлаа. Утас нь 9908-2500

Манцуйтай тамирчинд оролцов

http://zaluueej.blog.gogo.mn — Thu, 20 Oct 2011 15:55:09 ULAT

Цаг хугацаа гэдэг хурдан юмаа. Саяхан л нэг бяцхаан амьтантай болчихоод яах ч учраа олохгүй ухантаад сууж байсан даа. Одоо тэр жижкээн бурхан маань нэг ой хүрлээ...

Сүүлийн үеийн сонин гэвэл охин бид хоёр 1 нас хүрэхээсээ өмнө амжиж Манцуйтай тамирчин нэвтрүүлэгт оролцсон. Зүгээргүй ээ...26 тамирчнаас 3-т орж хүрэл медаль чирээд ирсэн шүү. Үнэхээр хөөрхөн. Энэ нэвтрүүлгийн санаа нь их зүгээр. Хүүхдийн хамгийн хөөрхөн үеийн бичлэг, гэрэл зургууд гэдэг бол үнэхээр үнэтэй дурсамж...яахийн аргагүй. Гэхдээ 25-р сувгийхан нэврүүлгийнхээ зохион байгуулалтыг маш сайн болгож сайжруулахгүй бол бяцхан хүүхдүүдээр ашиг олох гэсэн санаа нь давамгайлчихсан юмуу гэж бодогдохоор байна лээ шүү.

Одоо гарч төрсөн өдрийнхөө бялууныхаа захиалгыг хийчээд ирье...Тортны 2 хөөрхөн загвар бодоод байгаан. Аль нэгийг нь ярьж байгаад захиалнаа.

Бичил тэжээлийн холимог

http://zaluueej.blog.gogo.mn — Mon, 29 Aug 2011 17:49:12 ULAT

Хэрэв танай хүү/охин 6 сар, 1 ой, 1 ой 6 сар, 2 ой хүрч байгаа бол харьяа өрхийн эмнэлэгээс бичил тэжээлийн холимогоо аваарай.

Бичил тэжээлийн холимогийн талаарх мэдээлэлийг эндээс харж болно.

http://share.gogo.mn/PygCWmqIbq1871314611128/bichiltejeel.pdf

Хүүхдийн дуу

http://zaluueej.blog.gogo.mn — Mon, 22 Aug 2011 11:30:34 ULAT

Сүүлийн үед мистер пиццаны нэг дуу яваад байнаадаа. We like pizza everyday ..........гээл. Тэрийг явахаар л манай охин баярлажийна гэж жигтэйхэн. Алгаа ташаад үзээд суучихийн. Хүүхэд дуулж байна, хүүхдийн дуу гэж мэдээд байна шүү. Тэхээр нь ээж нь хүүхдийн дуутай DVD-ний эрэлд гарлаа шд.

2 жилийн өмнө дуучин Мягмарсүрэн эгчтэй ажлын шугамаар танилцаад, хүүхдийн дуутай сиди гаргасан гээд надад нэг сиди өгжийсийн. Тэр үед би энүүгүүр ч яахав гээд шууд ахынхаа хүүхдэд өгцийн. Тэр шууд санаанд ороод нөгөө миний өгсөн сиди байгаа юу тэрийгээ буцаагаад авяа гээл утасдуул яахуу ккк.

Youtube дээр бид нарын багадаа сонсдог байсан дуунуудыг хөөрхөн клипжүүлцэн байна. Гүнжийнхээ дуртай Чигчийн чинээг тавьлаа.

Ёоо арай дэндүү эгдүүтэймаа

http://zaluueej.blog.gogo.mn — Thu, 18 Aug 2011 16:43:59 ULAT

Ёооё күүкээл юмуу хаашайн. Ийм эгдүүтэй байхдаа яадийн.

Зураг дээрх 2 настай Ира Браун АНУ-ын алдартай загвар өмсөгч охины нэг бөгөөд түүний эцэг, эх нь хүүхдийн нэртэй брэнд хэд хэдэн компанитай гэрээ байгуулан ажилладаг. Яг л хүүхэлдэй шиг төрхтэй Ира охин зургаа авахуулах тун дуртай аж. Тийм дээ ч өмссөн хувцасандаа тохируулан сэтгэл хөдлөл зэргээ маш сайн илэрхийлдэг байна гэнээ.

Тэхдээ л миний охиныг гүйцэхгүй... хэ хэ

Охин үрээ хайрла

http://zaluueej.blog.gogo.mn — Wed, 17 Aug 2011 14:45:54 ULAT

Энэ шүлгийг олон хүн уншсан байдаг. Тэхдээ би жүжигчин Чаминчулуун гуайн уншснийг нь сонсох дуртай. Ёстой гоё уран уншдаг, сонсоод байхаар өөрийн эрхгүй нулимс урсаад ирдийн. Уг нь тэрийг тавих гэсэн боловч Youtube дээрээс хайгаад олсонгүй. Олвол зааж өгөөрэй. Солиод тавьчий.

Миний охины хоолны меню /9 сартай/

http://zaluueej.blog.gogo.mn — Wed, 17 Aug 2011 14:22:54 ULAT

Блогоо хаадаг ч юм билүү гэж бодогдох боллоо. Тэхдээ охиноо ой хүргээд, эсвэл блогоо нэг нас хүргээд түр хаанаа.... За тэр ч яахав тэр үед нь болох биз....

Энэ зун охин бид 2 балкон дээрээ лагерт гарч байна даа. Энэ зун над шиг зуслан гарч чадаагүй ээжүүдэд зөвлөхөд балкон дээрээ цэвэрхэн элс асгаад өдөрт хэдэн минут тоглуулж болмоор юм байна лээ шүү. Бид 2 тэгж байгаа. Хааяадаа айраг түрхээд ....

Өнөөдөр шинэ ээж нарт хэрэг болж юуны магад гэж бодоод бас туугий ээжүүдээс нэмэлт хоолны талаар бас бус зөвөлгөө авахаар энэ бичлэгийг орууллаа. Жишээ болгож 3 өдрийнхийг оруулав.

	Даваа	Мягмар	Лхагва
9:00	Сүүн бантан	Каш	Цагаан будааны зутан
12:00	Хавтгай гурилтай шөл	Махтай бантан	Банш
15:00	Жимсний нухаш	Йогурт	Жимсний нухаш
18:00	Тахианы зутан	Гурилтай шөл	Ногооны зутан
20:00	Жигнэсэн алим	Миксдсэн банана	Тараг

Одоогоор нэг иймэрхүү хоол идэж байгаа. Завсар зайгаар нь печень ч юмуу боов бариулчдийн. Бас сүүтэй цай, хярам, сок ууна, өглөө оройдоо мөөмөө хөхнө. Нээрээ эмээтэйгээ байдаг хүүхэд сүүтэй цайсаг болчдог гэдэг үнэн юм байлээ. Манайх сүүтэй цайнд нугасгүй хөгшин, залуу 2 эмээтэй болчоод байнаа хэ хэ. Сүүтэй цай амны цангаа гаргадаггүй, шингэн болж чаддагүй гэдэг болохоор буцалсан ус, хүүхдийн цай өгөх гэхээр тургиад бүүр амсахаа ч байжээ. Яана вэ. Харин угжнаасаа гарцан шүү. Нэг л өдөр гарчдаг гэдэг ёстой үнийн байлээ дээ. Хэлээрээ түлхээд огиод, аяганаас бол уугаад байгаан. Өрхийн эмч тэгсэн чинь болж болж, угаасаа одоо ер нь дэлхий нийтээрээ угжнаас татгалзаж байгаа нтр гээл глобалчлал яриад байсан хэхэ. Тэхээр чинь бор хоолонд ороогүй хүүхэд бол яахийн болж байнаа тэ.

Дээрх менюг хараад ээжүүд юу гэж бодож байна вэ. Надад бол ээдэм, аарц, тараг г.м цагаан идээ бага юм шиг санагдаад байгаан. Аарцыг яаж өгвөл зүгээр юм бэ.Чихэртэй мөртлөө идэж өхгүймаа. Над шиг цагаан идээнд муу юм шиг байгаан, чихэр шоколад бол чичрээд дайрчхийн. Бас бид 2 өглөөний хоолны меню цөөтэй байгаамаа. Бараг өдөр болгон шахуу каш, будаа өгөөд байхаар хүүхэд залхана, шим тэжээлгүй. 9 сартай хүүхдэд тохирсон өглөөний хоолны шинэ жор зааж өгөөрэй ээжүүдээ. “Хүүхдийн нэмэгдэл хоол” номонд өглөөний хоолны жор жоохон цөөхөн юм байлээ.

Аа тийн Свийтийн жороор сүүтэй овьёос хийж өгч үзсэн. Дажгүй шүү... Хааяадаа хийж өгвөл зүгээр л юм билээ. Дараа шөлөнд хийж өгч үзнээ...

Ээжүүдээ зөвлөлдье.

http://zaluueej.blog.gogo.mn — Wed, 27 Jul 2011 11:45:00 ULAT

Ээжүүдээ сайн байцгаана уу. Удаан уулзсангүй шүү.

Аяга кофе хийж аваад блогоороо шагайсан чинь гоя байна шүү. Зөндөө сээгий бичсэн байна. Хариу бичээгүйд уучлаарай. Ажил ажил, завгүй завгүй гэж шалтаглахгаал байна. Одоо гялс хариу биччие.

Энэ зун ийшээ ч явна, тийшээ ч явна гээл төлөвлөөл сүр бадраагаад байсан чинь хаашаа ч явж чадсангүй дээ. Ар араасаа ажил гарсаар хотоосоо гарч чадсангүй шд. Ирэх жил л иргэн бүрт олгосон 0.7 га газар дээрээ л муурын байшин босгож авий хэхэ.

Ээжүүдээ та нар төрсний дараах сарын тэмдгийн талаар ямар ойлголттой байгаа вэ. Миний хувьд төрснөөсөө хойш ганц л удаа эход харуулж эмчид үзүүлсэн байгаа. Тэрнээс хойш үзүүлж амжаагүй явж байгаад өнөөдөр Сүхээ эмчид үзүүлэх гэсэн чинь амралтаа аваад явчиж. Эмлэг нь бас 8 сарын сүүл хүртэл амрахийн гэнээ. Монголчууд ч сайхан амрахиймаа. Тэгж нэг бүтэн сар амарч үзэхийнсан. Амьдралдаа анх удаа дикритээ авч л сар гаран амарсан байхдаа. Гадуур ажил хөөцөлдөөд ч нэмэр алга. Төрийн байгууллагын ажилтнууд ихэнх нь л амраад явцан байхийн. За тэр ч яахав хадуураад явчлаа. Өөр сайн эмч домч юу билээ. Сүхээ эмчийг амралт нь дуусаад иртэл хүлээдэг ч юм билүү гэж бодоол байжийна. Хүн хүний биеийн онцлог өөр өөр байх л даа. Тэхдээ төрсний дараа хэдий хугацаанд сарын тэмдэг ирэх нь хэвийн гэж үздийн болоо.

Хүүхдийн будаа

http://zaluueej.blog.gogo.mn — Tue, 28 Jun 2011 11:29:19 ULAT

Гадуур олон төрлийн каш байна. Дотроо бас найрлага амтаараа өөр өөр. Охин бид 2-н хувьд одоохондоо Агуша /цагаан будааны/, Фруто Няня /хулуутай/ идэж байна. Хааяа мэдээж манный каш хийж өгдийн. Эмээ нар бол хайрцагтай каш өгөх дургүй юмаа. Усанд найруулаад өгдөг каш ямар олиг байдийн гээл Манны кашаа чанаал сайхан амтлаад л өгдиймдаа. Алаг үрс нь ямар каш амтархан идэж байна ?

Хүүхдийн чинь өтгөн хатаад байгаа бол

http://zaluueej.blog.gogo.mn — Thu, 23 Jun 2011 15:20:45 ULAT

Хүүхэд бор хоолонд орохоор, сүү тэжээл нь солигдохоор, бас үнээний сүү өгөхөөр баас нь хатах нь их юм шиг байгаан. Хэрэв танай хүүхдэд тийм асуудал гарсан бол ээжүүд.инфо дээр байсан энэ арга үнэхээр сайн юм байнаа ээжүүдээ. Миний охин баас нь хатаад тосохоор л уйлаад байсийн. Энэ аргыг хэрэглээд үзсэн чинь нэг том унгаж өгөөд баас нь аяндаа гарчдийн байна шдээ. Эм нтр өгөөсөө өмнө нэг харчаарай. http://www.eejuud.info/2011/02/x_26.html

Энийг бургуй тавих нтр гээд нэрлээд байдаг билүү үгүй билүү. Тэр чинь өөр билүү..........мангартчлаа.

Энэ далимд,ээжүүд инфог хөтөлдөг Рика ээжид баярлалаа.

Блогдоо ″ хайлт″ яаж оруулдаг вэ???

http://zaluueej.blog.gogo.mn — Thu, 23 Jun 2011 15:14:10 ULAT

Олон бээгийн дундаас дараа нь хэрэгтэй юмаа хайх гээд түүртэж өгжийнаа. Блог дээрээ яаж хайлт оруулах уу блогчидоо. Заагаад өгөөч.